A Universidade de Santiago desembarcará este martes 24 de xaneiro no Auditorio de Ribeira para ofrecer unha xornada de portas abertas coa que amosar a súa oferta formativa coa finalidade de que os estudantes poidan coñecer as diferentes titulacións a disposición neste institución académica.
A tal efecto, a parte alta do Auditorio contará co emprazamento de diferentes stands informativos, ademais de dar cabida obradoiros e demostracións.
Ademais, no salón de actos desenvolveranse dúas mesas redondas dedicadas, por unha parte, a titulacións de tecnoloxía, ciencias e ciencias da saúde e, por outra, a titulacións de ciencias sociais e humanidades. Tamén haberá unha conferencia dedicada ás probas ABAU e o acceso á universidade.
