Un incendio que comezou despois da medianoite deste xoves calcinou por completo o interior dunha vivenda situada na rúa Díaz de Rábago da vila pobrense. Parece que o inmoble era frecuentado por un okupa, pero os bombeiros non atoparon a ninguén no interior, a pesar de rexistrar minuciosamente cada estancia.
Nas tarefas de extinción participaron bombeiros dos parques de Ribeira e Boiro, que contaron coa colaboración de Protección Civil da Pobra. Cando chegaron ao lugar do suceso, as chamas saían pola porta e as xanelas, estendéndose con virulencia polo interior da vivenda, con teitos e pisos de madeira. Os bombeiros tiveron que romper parte do tellado para sufocar o lume axudándose dunha escaleira.
Tanto durante as tarefas de extinción como despois de que o incendio quedase controlado os integrantes do dispositivo de emerxencias rastrexaron as distintas estancias do inmoble, sen atopar a ninguén no interior. Se descoñecen de momento as causas que orixinaron o lume.
