A Escola Galega de Consumo ofrecerá o vindeiro venres 16 de decembro, ás 11.00 horas no Salón de Actos do Auditorio de Rianxo, unha formación para a cidadanía sobre a factura de luz. O obxectivo é axudar a cidadáns a empresas a aforrar custes enerxéticos e evitar que as facturas se disparen, tanto nesta época do Nadal coma no resto dano.
Segundo explican dende o Concello, “un dos principais gastos dentro da economía doméstica é o destinado ao pago da factura eléctrica”.
Deste xeito, consciente da importancia que a factura eléctrica ten para o conxunto das persoas consumidoras e usuarias, a Escola Galega do Consumo conta co programa Consumo Responde, ao que se abeira esta actividade do 16 en Rianxo.
Esta xornada pretende facilitar os coñecementos básicos necesarios para comprender a factura eléctrica, para adoptar medidas de aforro no gasto eléctrico e para realizar unha reclamación nos distintos supostos que se poidan presentar en relación á contratación dos servizos prestados polas compañías eléctricas.
Contidos:
-Mercado regulado/mercado libre
-Comercializadoras de referencia
-Conceptos básicos: potencia eléctrica, ICP, CUPS, etc
-Tipos de tarifas
-Tipos de contadores
-Medidas de aforro
Duración estimada dá actividade 60 minutos.