A Escola de Música de Rianxo vai ofrecer este ano un Festival de Nadal en dúas sesións. Celebraranse este domingo 18 de decembro ás 11.30 e máis o venres 23 de decembro ás 20.00 horas na Sala Arcos Moldes do Auditorio de Rianxo. Na primeira quenda actuarán as novas promesas musicais das aulas de piano, violín, violonchelo, contrabaixo, guitarra, canto, baixo eléctrico e combo infantil.
Na cita do 23 de decembro actuará o alumnado de frauta, óboe, fagot, clarinete, saxofón, trompa, trompeta, trombón, bombardino-tuna, percusión e iniciación musical.
Estes festivais están organizados pola ESMU de Rianxo en colaboración co Concello, a Xunta e a Deputación.
