Na tarde de onte martes rexistrouse unha colisión por alcance que deixou tres persoas trasladadas en Ribeira.
O choque, do que o 112 Galicia tivo constancia pasadas as 19:45 horas, tivo lugar á altura do quilómetro 102 da AC-550, na parroquia de San Martiño de Oleiros (Ribeira). Rapidamente, desde o 112 alertouse aos servizos sanitarios, á Garda Civil de Tráfico e á Policía Local, ao Grupo de Apoio e Emerxencias e aos membros da Agrupación de Voluntarios de Protección Civil de Ribeira. No accidente vironse implicados unha furgoneta Peugeot Expert e un Rover 400.
Finalizada a súa actuación, os servizos de emerxencias confirmarían que tres persoas, un adulto e dous menores, foron trasladadas polo persoal de Urxencias Sanitarias de Galicia-061.
