A Xunta citará a partir de mañá, 14 de decembro, aos nenos e nenas de entre 5 e 59 meses que se vacinaron da gripe, para a administración da segunda dose desta vacina. Así, enviaranse citacións por SMS indicando o día e a hora para acudir ao mesmo centro onde recibiron a primeira dose.
A poboación pediátrica de Santiago que se vacinou dentro do programa piloto será citada a partir de mañá, 14 de decembro, para o sábado, 17 de decembro, pola tarde, ou para o domingo, 18 de decembro, en horario de mañá, no servizo de pediatría do Complexo Universitario de Santiago de Compostela
Ao resto dos nenos e nenas que recibiron a vacina unha semana mais tarde noutras áreas sanitarias, se lles enviarán SMS o martes, 20 de decembro, para ser citados entre o 23 e o 27 de decembro, dependendo da área sanitaria á que pertencen, coa seguinte previsión:
CEE, FERROL, O BARCO E VERÍN: venres, 23 de decembro, en horario de tarde.
A MARIÑA, MONFORTE, BARBANZA, O SALNÉS, SANTIAGO, OURENSE, PONTEVEDRA E LUGO: venres, 23 de decembro e luns, 26 de decembro, en horario de tarde.
CORUÑA E VIGO: venres 23 de decembro, luns, 26 de decembro e martes, 27 de decembro, en horario de tarde.
