O accidente produciuse no quilómetro 3 da AG-56 en dirección a Compostela, e implicou a cinco vehículos, aínda que, afortunadamente, ninguén foi trasladado polos servizos sanitarios.
O 112 Galicia recibiu o aviso a través dun particular, minutos antes das 8 horas, que indicaba que acababa de presenciar unha colisión de cinco vehículos na autovía. Pouco despois, un dos implicados contactaba tamén co 112 para comunicar que todas as persoas estaban ben. Dende o primeiro momento, os xestores do 112 solicitaron a colaboración do persoal de Urxencias Sanitarias de Galicia-061, da Garda Civil de Tráfico e dos servizos de mantemento das estradas.
Sería ao fío das 9:10 horas cando desde os servizos sanitarios confirmaron que ningunha persoa tivo que ser trasladada.
