O Concello de Outes, a través da Concellería de Igualdade e Benestar, vai colaborar co importante traballo humanitario e social da asociación Solidariedade Galega co Pobo Saharauí (SOGAPS), quen pon en marcha, un ano máis, o programa Vacacións en Paz. A área de Igualdade e Benestar de Outes confirmou a súa adhesión a este programa, que xa ten aberto a nivel local o período de inscrición para que as familias do concello que queiran acoller a nenas ou nenos saharauís durante dous meses de verán. Para anotarse ou recibir información cómpre enviar un correo ao enderezo electrónico asociacionsogaps@yahoo.es ou chamar ao 981 850 003.
