Este venres e este sábado volve o Festival de Inverno de música e cultura urbana de Ribeira. Farao na explanada do porto con oito grupos que actuarán nunha carpa habilitada para dar acollida ao certame.
A concelleira de Cultura, María Sampedro, presentou esta iniciativa e desculpou a ausencia de Juanma Baamonde, un dos impulsores da mesma, que non comparecer por enfermidade.
Segundo fixo saber, o festival comezará ás 22.30 horas, estando esta edición adicada á música rap e trap e contando coas actuacións do carballés C. Mirazo, un dos grandes pioneiros en Galicia no trap; o ourensán Kid Mount; os ribeirenses Xeva & RS, que presentarán novo álbum; o chileno afincando na cidade ribeirense Mapuche; e máis Ultrajuanmi, moi coñecido no escenario local e que pinchará a última hora.
Obradoiros complementarios
No transcurso do sábado desenvolverase ao longo do día diferentes obradoiros de cultura urbana impartidos pola entidade Vella Escola de Noia (de 12 a 13.30 horas haberá un taller de estampado de camisetas; de 16 a 19 horas haberá obradoiros de parkour, break, beatbox e e pista free style) e a partir das 19 horas haberá un espectáculo-demostración de beabox. Entrada a medianoite, o festival continuará coa actuación do madrileño Keey C, o galego Rokiño e Mr J.
María Sampedro animou á mocidade a desfrutar desta iniciativa que busca consolidarse no calendario cultural da comarca.
