Coa conferencia Como está a pediatría a día de hoxe? daba comezo este xoves 24 de novembro o programa de actividades das XVII Xornadas de Información Sociosanitaria de Outes. O relatorio foi impartido pola doutora Marian Rodríguez Blanco, pediatra no Hospital da Barbanza. A conferencia foi feita no CEIP Plurilingüe de Outes, baixo unha asistencia de mais de 50 persoas. A coordinación correu a cargo do doutor Xosé Mª Dios Diz, médico especialista de Atención Primaria de Outes.
Ao final do acto, Mariam Rodríguez foi agasallada cunha figura de artesanía feita polos usuarios de ADISBISMUR Valadares (Outes).
A vindeira conferencia vai a ser o 15 de decembro de 2022, baixo o título: Vacinación do papiloma en varóns e a poliomielite e o síndrome postpolio impartida pol doutor Ángel Lado Llerena, médico especialista de Atención Primaria de Outes, e celebrarase na Casa de Cultura da Serra de Outes.
As xornadas veñen da man do Concello (Centro Social e Centro de Saúde), a Sociedade Galega de Xerontoloxía e Xeriatria, a USC, ADISBISMUR e a Asociación Cultural Terra de Outes.
