O Concello de Outes convocou a primeira edición dunha iniciativa que reivindica o potencial turístico, gastronómico, hostaleiro e empresarial do termo municipal. Trátase de En Outes de Tapas, unha proposta para coñecer o concello e as parroquias a través do seus locais e das súas diferentes especialidades, que se vai desenvolver entre o día 3 e 11 de decembro e que inclúe un concurso no que participan oito establecementos de O Freixo (Albatros, Pepe do Coxo e O Taboleiro), San Ourente (A Nosa Taberna e Casa Roque), A Serra (John Turkey e Casa Amanda) e Cando (Restaurante Fera).
