Unha ameaza de bomba obriga a desaloxar os xulgados de Santiago de Compostela e a Cidade da Cultura

O 112 Galicia recibiu o aviso que condicionaba a seguridade nos xulgados da cidade ao fío das 15:00 horas. Posteriormente, as forzas da orde procederon ao desaloxo da Cidade da Cultura, como medida preventiva.

Tras a chamada recibida no Centro Integrado de Atención ás Emerxencias (CIAE) 112 Galicia púxose en marcha en marcha un amplo dispositivo de seguridade, no que interviñeron os axentes da Policía Nacional, Local e Autonómica. Ademais, tamén foron informados os Bombeiros de Santiago de Compostela.

Deste xeito, despois dun exhaustivo rastrexo, os corpos de seguridade confirmaron que se tratou dunha falsa alarma.