O Servizo Galego de Saúde (Sergas) está a citar a traballadores sanitarios e sociosanitarios, así como á poboación entre 60 e 69 anos para recibir a próxima semana a cuarta dose da vacina contra a covid-19. Estes tres grupos, todos eles serán inoculados nos ‘vacunódromos’.
Todos aqueles que non poidan acudir nin aos recintos masivos nin aos centros de saúde sempre teñen a opción de recibir este segundo reforzo contra a covid nos seus domicilios, unha opción pola que xa optaron 2.400 galegos.
Cabe lembrar que, desde o pasado venres, os recintos masivos de vacinación xa acollen a pacientes situados na franxa etaria de 70 a 79 anos, mentres que desde este martes o Sergas chama aos centros de saúde aos maiores de 85 anos que non quixeron ou non puideron acudir aos ‘vacunódromos’.
