A intensa chuvia que está a descargar o ceo este sábado concedeu unha tregua durante o acto no que, por iniciativa da Asociación de Amas de Casa e coa colaboración ao Concello, realizouse unha ofrenda floral polas vítimas da COVID no monumento erixido no 2021 na praza de España de Ribeira.
No evento moi sinxelo á par que moi emotivo, depositouse da man do alcalde Manuel Ruiz e da presidenta de Amas de Casa, Puri Cores, unha coroa de flores no monumento que fora inaugurado o 23 de outubro (mañá cumprirase un ano). Acto seguido gardouse un minuto de silencio para rematar co Himno da Antigo Reino de Galicia tocado polo grupo Xiada da Pobra.
Previamente tiveran lugar as intervencións nas que Puri Cores anunciou a intención de repetir este simbólico acto todos os anos, en tanto que Manuel Ruiz instou a non baixar a garda ante a COVID pois,
pese aos bos datos rexistrados nos últimos tempos na comarca, segue estando presente.
