Detectados tres novos casos de gripe aviaria en alcatraces na costa de Galicia

A Xunta lembra a necesidade de reforzar as medidas de bioseguridade nas explotacións avícolas comerciais e particulares para evitar o contacto coas aves salvaxes.
A Consellería do Medio Rural da Xunta de Galicia comunicou ao Ministerio de Agricultura, Pesca e Alimentación (MAPA), a través da Rede de Alerta Sanitaria Veterinaria, a detección de tres novos casos de influencia aviaria de alta patogenicidad (IAAP) en aves silvestres, confirmados polo Laboratorio Central de Veterinaria de Algete (Madrid). Con estes son xa 17 os casos notificados en Galicia, todos eles en mascatos ou alcatraces comúns.

Trátase de tres animais desta especie (Morus bassanus) atopados en concellos costeiros da provincia da Coruña. Dous deles estaban enfermos, un na praia de Camelle (Camariñas) e outro en Corrubedo (Ribeira), mentres que o exemplar localizado na praia de Doniños (Ferrol) estaba morto.

Todas as aves foron trasladadas ao Centro de Recuperación de Fauna Silvestre de Oleiros (A Coruña), onde seguindo o protocolo establecido entre a Consellería do Medio Rural e a Consellería de Medio Ambiente, Territorio e Vivenda, tras a toma de mostras, os animais enfermos foron eutanasiados e o cadáver eliminado conforme á normativa vixente.

Segundo informa a administración autonómica galega, durante este ano 2022 un total de 12 das 17 comunidades autónomas do Estado notificaron algún caso de gripe aviaria en aves silvestres.
A Consellería do Medio Rural da Xunta de Galicia comunicou ao Ministerio de Agricultura, Pesca e Alimentación (MAPA), a través da Rede de Alerta Sanitaria Veterinaria, a detección de tres novos casos de influencia aviaria de alta patogenicidad (IAAP) en aves silvestres, confirmados polo Laboratorio Central de Veterinaria de Algete (Madrid). Con estes son xa 17 os casos notificados en Galicia, todos eles en mascatos ou alcatraces comúns.

Trátase de tres animais desta especie (Morus bassanus) atopados en concellos costeiros da provincia da Coruña. Dous deles estaban enfermos, un na praia de Camelle (Camariñas) e outro en Corrubedo (Ribeira), mentres que o exemplar localizado na praia de Doniños (Ferrol) estaba morto.

Todas as aves foron trasladadas ao Centro de Recuperación de Fauna Silvestre de Oleiros (A Coruña), onde seguindo o protocolo establecido entre a Consellería do Medio Rural e a Consellería de Medio Ambiente, Territorio e Vivenda, tras a toma de mostras, os animais enfermos foron eutanasiados e o cadáver eliminado conforme á normativa vixente.

Segundo informa a administración autonómica galega, durante este ano 2022 un total de 12 das 17 comunidades autónomas do Estado notificaron algún caso de gripe aviaria en aves silvestres.