As visitas didácticas que se realizan ao Museo da Catedral de Santiago contan cun novo libro-guía protagonizado pola familia de Os Bolechas. Na mañá deste xoves 6 de outubro presentouse na cripta do Pórtico o volume Os bolechas van á Catedral de Santiago nun acto que, ademais dos propios personaxes de Pepe Carreiro, estiveron presentes rapaces do colexio López Ferreiro. Tamén participaron o director da Fundación Catedral de Santiago, Daniel Lorenzo, e o secretario xeral de Política Lingüística da Xunta de Galicia, Valentín García.
O libro é unha guía didáctica que fai un repaso pola arte e a historia da construción da catedral, contada a Os Bolechas polo peregrino Xacobe. Os exemplares serán empregados nas visitas escolares que se organizan dende a Fundación Catedral de Santiago.
Os Bolechas pertencen a unha famosa serie de libros infantís, creados polo ilustrador Pepe Carreiro. A edición correu a cargo de Bolanda, e foi posíbel grazas á colaboración da Secretaría Xeral de Política Lingüística da Xunta de Galicia.
