A Biblioteca Municipal de Ribeira fai unha doazón de histórico material pedagóxico ao MUPEGA

O equipo da Biblioteca Municipal de Ribeira desprazouse ata Santiago de Compostela para realizar unha doazón de libros ó Museo Pedagóxico Galego (MUPEGA).

O arquivo local recibiu previamente a achega da biblioteca persoal do coñecido mestre San Ortega, por parte do seu fillo, Gonzalo Domínguez Sans. O lote está formado por libros de texto, obras de pedagoxía e de biblioteca de aula e tamén manuais que o propio mestre, que exerceu a súa profesión en Aguiño, empregou durante os seus estudos de Bacharelato.

Dende a Biblioteca explican que “dado o elevado valor deste fondos en canto a historia do ensino desde a Biblioteca Municipal decidiuse doalo ao Museo Pedagóxico de Galicia, coa intención de contribuír na súa misión de estudo, recuperación e difusión do noso patrimonio pedagóxico e didáctico”.