Un mozo ferido o envorcar un coche en Artes

Un mozo de 19 anos de Ribeira, resultou ferido nun accidente que se produciu pouco antes das dez desta mañá na estrada de Corrubedo desde a rotonda de Xarás.

O coche saíuse da vía e acabou envorcado sobre a calzada. Unha ambulancia do 061 trasladou ao ferido ao hospital comarcal, aínda que en principio, o seu estado non revestía gravidade. Ata o lugar do suceso desprazáronse axentes da Policía Local ribeirense, que regularon o tráfico ata a retirada do vehículo sinistrado.