Rexistrados dous terremotos fronte á costa do Barbanza


Dous terremotos tiveron lugar este martes no Atlántico fronte á costa do Barbanza, segundo datos do Instituto Xeográfico Nacional.

O maior tremor produciuse na mañá do martes, con 2,4 graos na escala de Richter ás 8,48 horas. Produciuse a 15 quilómetros de profundidade. O outro terremoto tivo lugar xa de noite, neste caso de magnitude 1,9 ás 23,38 horas . Aquí, a profundidade do tremor no Atlántico estaba a só un quilómetro.