O dramaturgo, narrador e actor Quico Cadaval (Ribeira, 1960) segue de xira este mes de outubro coa súa particular homenaxe ao jazz a través do espectáculo Ornithology, que tamén dá nome a un histórico disco de Charlie Parker e Benny Harris. Na súa proposta, Cadaval acompáñase do saxofonista Pablo Castaño e xuntos dan forma a un relato un relato libre no que xuntan vivencias e curiosidades da vida, mito e personalidade sonora de Bird, sobrenome de Parker, á vez que as colocan en diálogo coa historia musical local. Pablo Castaño completa as progresións de Cadaval co seu saxo alto, reinterpretando pasaxes musicais tanto de Ornithology. Vindeiras datas: en Ribadavia o 12 de novembro (no Club Artístico de Ribadavia), en Brión o 18 de novembro (no Centro Social), o 19 en Vigo (no Museo Mar de Vigo) e o 26 en Ponteareas (no Auditorio). Trátase dun espectáculo abeirado ao programa actual de TeceRedes (Secretaría Xeral de Política Lingüística).
