Paisaxes Sonoras é o festival do destino Barbanza Arousa, que naceu co obxecto da posta en
valor do territorio dando a coñecer as súas paisaxes e o seu valor patrimonial.
No ano 2022, continuando fiel á súa filosofía, contémplanse 4 localizacións que constitúen
recursos naturais e culturais de primeira orde. O xoves 25 poderase desfrutar da actuación de
Alice Wonder ás 21:30 horas na Aldea da Ponte, nas inmediacións da Praia dos Areos e do
Xobre, en pleno Camiño de Santiago. Ao día seguinte, venres, Alba Reche estará en Ribeira ás
20:30 horas, no Miradoiro da Pedra da Rá, paisaxe dende a que se poderá desfrutar das
marabillosas vistas da Ría de Arousa.
O sábado 27 é a quenda de Boiro, concello no que se levará a cabo na antiga canteira situada na Praia da Retorta cos artistas Davide Salvado e Cibrán Seixo. Finalmente, o domingo 28 ás 13:00 horas os Saxos del Averno actuarán no Pazo Rianxiño, xoia arquitectónica do século XVIII.
