Os primeiros informes suxiren que o incendio da Serra do Barbanza, que acabou saltando aos municipios veciños da Pobra do Caramiñal e Ribeira, tivo a súa orixe nun domicilio particular.
O lume atópase estabilizado, pero non extinguido. 15 avións, 12 helicópteros, 177 brigadas, 98 motobombas, 10 pas e 102 axentes traballaron no terreo.
O incendio forestal do Barbanza que arrasa unhas 2.200 hectáreas, iniciouse na cheminea dunha vivenda particular, segundo a investigación realizada pola Policía Autonómica.
Así o confirma a Vicepresidencia Segunda da Xunta despois de que La Voz de Galicia adiantase esta información na súa edición deste mércores. O atestado da investigación foi remitido ás autoridades xudiciais, de modo que o asunto atópase xudicializado.
Entre outros medios, traballaron para a súa extinción: 15 avións, 12 helicópteros, 177 brigadas, 98 motobombas, 10 pas e 102 axentes.
