Dobre exposición no Museo do Gravado de Artes con obras dos profesores José Fuente e Antonio Navarro

09 Xullo 2022

O Museo do Gravado de Artes deu cabida na noite de ponte á inauguración de dúas novas
exposicións a cargo de José Fuentes e Antonio Navarro, catedrático e profesor titular na Facultade de Bellas Artes da Universidade de Salamanca: un acto no que estiveron presentes ambos creadores, así
como a comisaria Concepción Sáenz, o vicepresidente da Fundación Museo de Artes Javier Expósito e a primeira tenente de alcalde e concelleira de Cultura de Ribeira María Sampedro, ademais do director do museo Xoán Pastor Rodríguez.
Así, a mostra “José Fuentes 2006-2022” ocupa as salas salas 0 e 1 da instalación museística de Outeiro, en tanto que a proposta de Antonio Navarro A textura do silencio (obra en papel), na sala 2.
José Fuentes Esteve amosa no Museo do Gravado de Ribeira unha retrospectiva da súa obra gráfica que abrangue o período 2006-2022, e faino a través da exposición de vinte series, que se corresponden,
máis ou menos, coa metade das que leva realizado dende 2002, algunhas xa presentes en catálogos como José Fuentes. 2002-2020 (Salamanca, 2020) ou Metaversos (Valladolid, 2022). Este xeito de
traballar en series foi explicada polo propio artista como unha forma de desenvolver a súa obra a partir de tres premisas: unidade temática, unidade técnica e unidade temporal de execución, como as
clásicas unidades aristotélicas.
Respecto da proposta de Antonio Navarro, presenta no Museo do gravado unha escolma dos seus últimos traballos en obra gráfica baixo o título “A textura do silencio”, que aglutina algunhas das
contribucións nas que estivo traballando nos últimos anos. Iniciando o percorrido en torno ao proxecto Coordenadas do silencio realizado no patio do Museo de Évora, Portugal, que deu pé a un cartafol de
gravados realizados con fotopolímero, que recolle a esencia desta instalación que aínda pode ser visitada nese museo.

O acto de apertura congregou numeroso público que desafiaron as altas temperaturas vividas hoxe e non dubidaron en achegarse ata o lugar de Outeiro para estar presentes na inauguración: un evento que se pechou coa prodixiosa voz da soprano Esperanza Mara.

Outros artigos

Comezaron en Ribeira as obras de mellora do parque Pedra Pateira

O Concello de Ribeira informou de que xa comezaron este mes de marzo as obras para poñer a punto o parque infantil de Pedra Pateira, no barrio de Bandourrío (Santa Uxía). A actuación contempla unha liña de pluviais para evitar a acumulación de auga superficial, novos...

+

Publicidade

Revista en papel

Opinión

“Rodar e rodar”. Carlos Moledo

“Rodar e rodar”. Carlos Moledo

Recordarán los lectores que hace apenas quince días Galicia estaba inmersa en unacaloradísimo debate socio-político planteado por múltiples formaciones políticas, algunas yacasi extintas a día de hoy, al menos hasta dentro de cuatro años. Dichos partidos políticos,...