O Club deportivo Malamía de Boiro pechou esta semana o primeiro mes de campamento con actividades par as que contaron coa colaboración do Concello de Boiro. O alcalde, José Ramón Romero, e a concelleira de Deportes, Dores Torrado, estiveron este mércores 27 de xullo coa rapazada que participou nas actividades.
A rapazada do campamento puido desfrutar dunha xornada de seguridade viaria e emerxencias impartida por axentes da Policía Local de Boiro e realizaron un percorrido polo carril bici do municipio, un percorrido que rematou na praza de Galicia, onde os Bombeiros con base en Boiro puxeron o foco nas normas básicas de actuación en caso de emerxencia.
Ao final da xornada todos os participantes recibiron un diploma pola súa participación. Un día de curiosidade, admiración, alegría e seguridade, as catro emocións nas que se basea o campamento Malamía en CASA. Está previsto que no mes de agosto os nenos e nenas participantes realicen outra xornada para reforzar o aprendido.
