Comezan este domingo as rutas en catamarán dende A Pobra cunha viaxe ás Cíes

14 Xuño 2022

As rutas en catamarán con saída dende A Pobra do Caramiñal para a tempada de verán deste 2022 comezan oficialmente este domingo 19 de xuño cunha viaxe ás illas Cíes. O importe é de 30 euros para persoas adultas e nos 15 euros para nenos e nenas ata 12 anos. Inclúe o desprazamento e a ruta guiada.

Esta travesía enmárcase na oferta de turismo náutico que impulsa a Concellaría do Turismo, da cal é titular a edil Charo Varela (Nós Pobra), para a época estival xunto coa empresa Piratas de Nabia. Trátase dun programa composto por un total de sete excursións ao Parque Nacional Marítimo-Terrestre das Illas Atlánticas e unha saída para coñecer a Ruta Xacobea do Mar da Arousa e río Ulla.

A vindeira singradura será no día 25 para dirixirse a Sálvora, na coñecida como ruta Starlight. Xa no mes de xullo celebrarase unha excursión a Ons, no día 10, e regresarase a Sálvora, no día 17. Ademais, navegarase pola Ruta Xacobea do Mar da Arousa e río Ulla, no Día de Galicia, 25 de xullo.

As viaxes proseguirán no mes de agosto coa volta a Ons e Sálvora, nos días 14 e 28 respectivamente. E, finalmente, concluirán no 11 de setembro co retorno ás Cíes.

Para todas elas, as reservas débense formalizar con antelación a través de www.piratasdenabia.com ou do teléfono de contacto 986320048. Habilítanse tamén tres canles para a resolución de dúbidas: www.apobra.gal/turismo, 671090262 e 687482835. A empresa xestionará directamente a tramitación das autorizacións de entrada ao Parque Nacional Marítimo-Terrestre das Illas Atlánticas.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...

“Paz e despois gloria”. Luís Celeiro

“Paz e despois gloria”. Luís Celeiro

Eles tamén ganaron, aínda que desta vez, como noutras ocasións, houbo perdedoresagochados detrás do parapeto da verborrea ou dese inmenso muro de silencio. Taménhoubo quen, con tristura e desacougo, admitiu a derrota e parece que está en disposiciónde intentalo...