Ambiente festivo e sorteos no primeiro evento corporativo de CONGALSA trala pandemia

04 Xuño 2022
262 traballadores da empresa participaron nunha xornada de lecer promovida pola
empresa dentro do Proxecto Persoas

Gran parte do persoal de CONGALSA participou este sábado nunha xornada de confraternización impulsada pola compañía dentro do Proxecto Persoas: unha iniciativa corporativa no marco da cal promóvense diferentes accións destinadas a fortalecer lazos entre o persoal da empresa implicando aos diferentes equipos de traballo nos eventos e a xerar un clima laboral óptimo.
Os participantes na xornada gozaron dun paseo en catamarán pola ría saíndo desde o porto da Pobra e logo asistiron a unha comida no restaurante A Baiuca de Ribeira.

O evento contou coa amenización musical a cargo do grupo Thais Suki

Música de Thais Suki
A xornada, a primeira destas características que a empresa promove tras a pandemia, contou cunha ampla participación e cun marcado carácter lúdico e festivo que se prolongou ao longo de todo o día. O evento foi amenizado musicalmente polo grupo Thais Suki. Ao longo da xornada, ademais, repartíronse
diferentes premios en diversos sorteos efectuados entre o persoal da empresa.
Habitualmente, a compañía congrega ao seu persoal nun encontro anual que adoita celebrarse en febreiro para expoñer resultados e resaltar os obxectivos para o ano en curso, pero debido á pandemia esta reunión foi cancelada en 2021 e en 2022. Do mesmo xeito que tampouco se puido celebrar nos últimos dous anos a tradicional cea de Nadal da compañía.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...