Este venres 3 de xuño inaugurouse na Pobra, na Casa da Cultura Raquel Fernández Soler, unha exposición colectiva de pintura: a mostra Inquedanzas III, configurada por 33 obras pictóricas de catorce artistas. Podermos vela até finais do presente mes.
Destaca a heteroxeneidade dos cadros que conforman esta exposición; reflexo da creatividade única de cada unha das persoas artistas instruídas por Paola García: Ángela Campaña, Margot Fernández, Elena Moure, Elena Pazos, Josefa Seráns, Lola Seráns, Loida Moreno, Carmela Fernández, Dolores Mariño, Carmen González, Antonio Muñiz, Encarnita González, Ángeles Abalo e Pura Nin.
O Concello salientou da mostra “a variedade de temáticas e técnicas, con predominio do óleo, que trasladan a maneira de contar la realidade destas creadoras, así como a súa dedicación e paixón polo mundo da arte”.
No acto inaugural, que contou co acompañamento musical da Escola de Música da Pobra, o alcalde, Xosé Lois Piñeiro (Nós Pobra), enxalzou a calidade dos lenzos e tamén tivo palabras de recordo para un dos artistas, falecido meses atrás, de quen se expoñen tres creacións.
O público pode achegarse a contemplar a mostra de luns a venres, en horario de 11.00 a 13.30 e de 18.00 a 21.00 horas.
