O proxecto ConcellosECO impulsará a formación e o emprego verde nos concellos da ría de Muros e Noia e Sar

10 Maio 2022

A consultora coruñesa Raxia Formación é unha das organizacións seleccionadas para a posta en marcha dun novo proxecto co-financiado polo Fondo Social Europeo a través do Programa Empleaverde da Fundación Biodiversidad dol Ministerio para la Transición Ecológica y el Reto Demográfico. Trátase dunha iniciativa de formación e inserción laboral en empregos verdes para as comarcas de Noia, Barcala e Sar: o proxecto ConcellosECO, destinado tamén a fomentar a conservación da biodiversidade do medio rural e a prevención de incendios. Inclúe accións de asesoramento, orientación e formación que irán acompañadas de intermediación e encontros con empresas.

Está dirixido a 30 persoas en situación de desemprego da área xeográfica da Coruña, dos concellos de Negreira, A Baña, Noia, Outes, Lousame, Porto do Son, Dodro, Rois, Padrón, Ames, Teo e Brión.

Dentro da formación prevista, realizaranse actividades presenciais e tamén en formato online sobre as seguintes temáticas: recursos sociolaborais e formativos, inserción laboral e busca de emprego, adaptación ao cambio climático, uso recreativo no medio rural nos espazos naturais e rurais, Obxectivos de Desenvolvemento Sustentábel (ODS) e axenda de desenvolvemento, normas de prevención de riscos no medio ambiente, e o operacións auxiliares para a conservación e mellora de montes e fincas.

Máis información en administrativo@raxiaformacion.es.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...