Segundo recolle a axencia Europa Press o Partido Popular de Galicia propoñerá ao líder do PP, Alberto Núñez Feijóo, como senador de designación autonómica despois de que Juan Serrano presente a súa renuncia ao cargo este luns, 9 de maio. Así o avanzaron a Europa Press fontes do PP, que subliñaron que desta forma “nos próximos días” formalizarase a saída de Feijóo da Xunta de Galicia e finalizarase o proceso da súa substitución no PPdeG, así como activarase a súa chegada á Cámara Alta.
O PP de Galicia propoñerá a Feijóo como senador despois de que Juan Serrano renuncie ao cargo este luns.
No marco desta renovación, tamén está previsto que este luns renuncie como senadora por designación autonómica Elena Muñoz, e a persoa proposta para substituíla no exercicio das devanditas funcións será Miguel Tellado.
