O IES da Pobra do Caramiñal repite a experiencia dos obradoiros de marisqueo

02 Maio 2022

Un total de 8 estudantes de 4.° da ESO do IES da Pobra do Caramiñal, xunto con profesorado,
participou neste 2 de maio nos obradoiros de marisqueo que impulsa a Concellaría do Turismo, da cal é titular a edil Charo Varela (Nós Pobra), en colaboración coa Asociación Mar da Pobra. Aproveitaron a ocasión para facer un traballo fotográfico enmarcado nunha das materias do centro educativo. O instituto pobrense repite así a experiencia despois da visita efectuada a comezos do mes de abril xunto con alumnado de Bulgaria ao abeiro do programa Erasmus+.
Nun primeiro momento foron recibidas e recibidos por unha das técnicas do Turismo do Concello no Auditorio do Museo Valle-Inclán, lugar onde se procedeu coa proxección dun vídeo que amosa toda a cadea pola cal pasan os recursos marisqueiros, para, posteriormente, comprobaren in situ, na praia dos Raposiños, cales se atopan nos areais do municipio.
Tamén se lles fixo entrega dun receitario que aglutina as diferentes elaboracións que se fan con bivalvos nos establecementos hostaleiros da localidade.
Esta actividade dirixida a centros de ensinanza de toda Galicia continuará nos vindeiros meses coa finalidade de aproximarlles ás novas xeracións o oficio das mariscadoras e fomenta-lo respecto polo mar, polo traballo neste eido e polo medio natural, ademais de contribuír con esta acción á desestacionalización da demanda turística.

Outros artigos

Publicidade

Revista en papel

Opinión

“Hay cardenales que no creen en Dios” – Manuel Domínguez

“Hay cardenales que no creen en Dios” – Manuel Domínguez

Hay cardenales que no creen en Dios. Pero antes de empezar con el tema diré que ya se realizó el primer milagro de Francisco. Alguien puede decirme como 140 señores de promedio 75 años pueden aguantar 5 horas sentados al sol sin hacer 3,14 - 3,14, es decir pipi. Vamos...

“Papa Francisco” – Manuel Domínguez

“Papa Francisco” – Manuel Domínguez

La caridad cristiana, empieza en la propia familia. Hace años escribí al papa intercediendo por dos obreros que habían sido enviados al paro en una Catedral de Lugo, creo recordar Me respondieron ampliamente que el Vaticano no interfiere la gestión de las iglesias. Lo...