En Boiro cambios na programación das Letras Galegas 2022

Atendendo á previsión meteorolóxica prevista para os vindeiros días, o Concello de Boiro realiza cambios na programación prevista para as Letras Galegas 2022. As actuacións previstas para o exterior aprazaranse para novas datas.
O luns día 16 realizarase a inauguración institucional do Pazo de Goiáns ás 19.30 horas, a presentación do caderno nº6 da revista Follas Novas e a actuación de Laura Lamontagne e Pico Amperio no interior do Pazo. A plantación da figueira e a actuación de Nova Galega de Danza aprázanse.
O martes 17 de maio mantense a apertura de portas ás 11.00 horas co mercado de artesanía, libreiros e palilleiras no interior do Pazo. Os bailes tradicionais previstos para a mañá trasládanse a pola tarde. A partir das 14.00 horas xantar popular con pulpeira e gaiteiros. Toda a programación prevista para o escenario pequeno trasládase ao interior e ás 16.00 horas farase a presentación institucional e ás 16.15 horas comezan as presentacións literarias de Barbantia. Ás 17.30 horas actuación de Esperanza Mara e ás 18.00 horas representación de Airiños tamén no interior do Pazo.
Para o martes 17 mantense no exterior do Pazo as actuacións dos grupos tradicionais Abeloura, Xilbarbeira e Pedra da Aroña a partir das 17.30 horas e dependendo das condicións meteorolóxicas pola tarde. Ás 19.00 horas será a actuación de Os da Porfía tamén no exterior. As actuacións de Xisco Feijóo e Baiuca aprazaranse para unha nova data.
Modifícanse tamén os horarios de autobús previstos. O luns 16 a saída de A Boqueira de A Negral será ás 19.00h e o regreso dende o Pazo ás 21.45h horas. O martes 17 mantéñense as saídas ás 10.30h, 12.30h, 16.00h e 18.00h; os regresos dende o Pazo serán ás 10.45h, 12.45h, 16.45h, 18.45 e 21.30 horas.

PROGRAMA DE ACTIVIDADES
Luns 16 de maio
19.30 horas – inauguración do Pazo de Goiáns
20.00 horas – presentación do caderno nº6 da Revista Follas Novas
21.00 horas – actuación de Laura Lamontagne e Pico Amperio
Luns 17 de maio
11.00 horas – apertura de portas e mercado de artesanía no interior do Pazo
de Goiáns
14.00 horas – xantar popular con pulpeira e Pequenos do Barbanza
16.00 horas – presentación institucional no interior do Pazo
16.15 horas – presentacións literarias a cargo de Barbantia no interior do Pazo
17.30 horas – actuación de Esperanza Mara no interior do Pazo
17.30 horas – baile tradicional na eira do Pazo con Xilbarbeira, Aroña e
Abeloura
18.00 horas – actuación do grupo Airiños no interior do Pazo
19.00 horas – actuación de Os da Porfía na eira do Pazo