As familias de Outes xa se poden inscribir no Campamento de Verán 2022

O Concello de Outes deu a coñecer os detalles do seu Campamento de Verán edición 2022, Outes Concilia, que se celebra en distintas quendas entre os días 23 de xuño e 7 de setembro. Trátase novamente dunha proposta para favorecer no termo municipal a conciliación e para achegar á rapazada opcións de lecer, creatividade, deporte e participación que desenvolver durante a tempada de vacacións.

O campamento, que se levará a cabo no CEIP Plurilingüe de Outes, virá con prazas limitadas. Está dirixido a nenos e nenas de 3 anos (escolarizados) a 16 anos e o período de inscrición estará aberto (abriu este 16 de maio) até o 31 de maio.

O campamento abrangue como dixemos desde o 23 de xuño ao 7 de setembro, podendo as familias

elixir as quendas que necesiten, quedando distribuídas da seguinte maneira co seu correspondente prezo público recollido na ordenanza:

1ª quenda: do 23 de xuño ao 1 de xullo (30€)

2ª quenda: do 4 de xullo ao 15 de xullo (40€)

3ª quenda: do 18 de xullo ao 29 de xullo (40€)

4ª quenda: do 1 de agosto ao 12 agosto (40€)

5ª quenda: do 16 de agosto ao 26 de agosto (40€)

6ª quenda: do 29 de agosto ao 7 de setembro (30€)

O horario do campamento será de 8:00 a 16:00 horas. Nas bases especifícase que as familias poderán facer uso do servizo en función das súas necesidades permitindo a entrada e saídas flexíbeis.