Unha muller de Barcelona estafa 4.800 euros por Internet a unha veciña da Pobra ao facerse pasar por un militar

21 Abril 2022

A Garda Civil investiga a unha veciña de Barcelona como suposta autora dunha estafa a través das redes sociais coñecida como “Romance Scam”, ou a estafa do amor.

Segundo informa o instituto Armado, a investigación Amoka levada a cabo polo Equipo @Milladoiro da Comandancia da Garda Civil da Coruña en colaboración co Equipo@barcelona, permitiu detectar á suposta estafadora que tivo como vítima a unha veciña da localidade coruñesa da Pobra do Caramiñal.

Os feitos iniciáronse o pasado ano, cando a vítima da estafa acudiu ao cuartel da Garda Civil da Pobra do Caramiñal a denunciar que sufrira unha estafa. Na súa denuncia relataba que fora enganada por unha persoa que coñecera a través dunha rede social, facíase pasar por un militar estadounidense que se atopaba en Cabul ( Afganistan), solicitándolle diversas cantidades de diñeiro para o pago de taxas, problemas de liquidez ou mesmo asegurándolle que o diñeiro sería para comprar un billete de avión para a viaxe a España e así podela coñecer.

Chegando a asegurarlle nunha ocasión que xa se atopaba no aeroporto do Prat, pero que se atopaba retido por persoal de inmigración, á espera de pagar unha taxa. Algo que, evidentemente, era totalmente falso e que provocou que a vítima se dese conta do engano e a estafa que estaba a sufrir.

O Equipo@milladoiro procedeu á realización da actividade operativa para poder localizar ao autor ou autores de devandito ilícito. Como resultado do traballo realizado a Garda Civil localizou á persoa que se beneficiou do diñeiro da vítima, procedendo á súa investigación como autora dun delito de estafa. Desta forma, a estafadorá recibiría unha cantidade de diñeiro, en diversas transferencias, que alcanzarían os 4.800 euros.

Durante a investigación realizada polo Equipo@milladoiro púidose constatar que a investigada comprara criptomonedas ( bitcoins) para dificultar e entorpecer o labor policial. As dilixencias instruídas, foron remitidas ao Xulgado de Garda de Ribeira.

Garda Civil


 

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...