Repartidas entre a veciñanza da Pobra dúas novas ducias de composteiros domésticos

30 Abril 2022

A Concellaría do Medio Ambiente da Pobra do Caramiñal, da cal é titular a edil Genoveva Hermo (Nós Pobra), deu continuidade ao seu proxecto de sustentabilidade e impulso á autocompostaxe en vivendas unifamiliares, un proxecto que a pasada tempada deu como resultado a distribución de 110 colectores.

A nova actividade de reparto saldouse coa entrega de dúas novas ducias de composteiros individuais entre as veciñas e veciños participantes no programa. Foi este venres 29 de abril no Teatro Cine Elma, onde as destinatarias e destinatarios recibiron tamén material divulgativo e participaron nunha charla formativa a cargo dun biólogo ambiental de Ventos Estudos Ambientais, quen asumirá o seguimento do proceso da compostaxe en cada un dos domicilios participantes.

Previamente estableceuse un posto informativo nos Xardíns de Valle-Inclán para aclarar dúbidas da veciñanza nesta materia.

O Concello indicou que “aínda quedan colectores á disposición da cicadanía, polo cal as persoas interesadas en se sumaren ao proxecto poden formalizar a súa solicitude a través do rexistro, preferentemente o telemático”. O documento tamén está ao dispor en www.apobra.gal.

A adquisición desta terceira remesa está financiada cunha subvención de 13.630’63 euros da cal resultou beneficiaria a Administración local, ao abeiro das axudas do Ministerio para a Transición Ecolóxica e o Reto Demográfico na convocatoria de Residuos 2020 (PIMA e Pemar), que coas liñas de compostaxe pretende reducir as emisións de gases de efecto invernadoiro (GEI) e mellorar na consecución do Plan estatal marco de xestión de residuos (Pemar).

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...