O presunto intento de agresión sexual dunha menor de idade que se produciu na madrugada do sábado ao domingo durante a celebración da Festa da Xuventude de Aguiño.
Segundo informan fontes da Policía Local de Ribeira, ao redor das 3.15 da madrugada recibiuse un aviso no que se advertía dun intento de agresión sexual nesa parroquia ribeirense e cuxos autores, segundo a denunciante, serían dous individuos que agora se busca.
De feito, estableceuse un operativo de procura na contorna pouca despois de ter coñecemento a policía dos feitos, aínda que non se puido dar cos presuntos autores desta agresión que, segundo publica La Voz de Galicia, levou á moza ata o Hospital Comarcal do Barbanza para ser atendida, ata onde foi acompañada por un familiar.
De momento non existe confirmación oficial por parte da Policía Nacional deste sucesos, corpo que se fixo cargo da investigación e responsables, xunto á Policía Local ribeirense, dos traballos para tentar identificar e dar co paradoiro dos dous sospeitosos da agresión sufrida por unha vítima da que se descoñecen máis detalles e que interpoñería xa a correspondente denuncia.
