O Concello de Porto do Son, a través do departamento de Benestar Social, vai organizar o vindeiro 1 de maio unha actividade de gran interese para as persoas maiores de 65 anos. Trátase da nova edición (a número 20) da Confraternidade de Porto do Son.
O evento incluirá os seguintes seguintes actos:
· 12h | Misa na igrexa de San Vicente de Noal cantada polo Coro Parroquial de Porto do Son
· 14h | Xantar na carpa situada no xardín da zona portuaria de Porto do Son
Segundo confirmou o Concello, o xantar será de balde e haberá servizos de autobuses. A asistencia debe confirmarse entre os días 4 e 22 de abril, no 981 86 74 14 (en horario de 9:00h a 13:00h) ou no departamento de Benestar Social do Concello.
