De cara á tempada de primavera e verán e unha vez rematado o groso dos embates climáticos invernais, os areais da Pobra do Caramiñal recuperan estes días o seu esplendor grazas aos traballos impulsados dende a Concellaría dos Servizos Municipais.
O obxectivo é poñelos a punto para a primavera e, por suposto, para estes días festivos de Semana Santa, nos que se incrementa a afluencia aos areais de residentes e visitantes.
A concelleira Estefanía Ramos (Nós Pobra) explica que as tarefas que se están desenvolvendo consisten na retirada mecánica e manual do argazo e materia inorgánica, ademais de nivelar a area, preparando así as praias para o bo tempo.
Ademais, persoal municipal atópase coa roza e limpeza, tanto manual coma mecánica, na contorna dos paseos.
