Micofer mostra na sede de Ambar as claves para atopar un emprego

A empresa Micofer visitou este 6 de abril a sede da Asociación Ambar en Frións, Ribeira. O obxectivo da visita, na que participaron dúas integrantes de equipo de Micofer (María Boisaca e Gracia Rubianes, consultoras de recursos humanos das oficinas en Boiro da dita empresa), foi mostrar o día a día dunha firma como Micofer, centrada nos ámbitos de traballo temporal, selección de persoal, outsorcing e formación, entre outros eidos de actividade.

Durante a xornada ofreceron a súa visión particular da profesión que desempeñan e consellos e pautas dos procesos de selección de traballadoras e traballadores, poñendo o foco na importancia do currículo e a entrevista laboral. Falouse detidamente dos procesos de selección, ofertas laborais e pechou o evento unha rolda de preguntas.

Á xornada asistiron os e as alumnas da formación sobre comercio que Ambar esta impartindo

nas súas instalacións, grazas ao financiamento da Fundación ONCE, no programa Uno a Uno do

POISES e o co-financiamento do Fondo Social Europeo.

Tamén estiveron presentes en representación de Ambar: Alicia Romero, responsábel da área administrativa de Ambar; Daniel Tojo, orientador laboral; Ángeles Sampedro, técnica de emprego; e Raquel Riveiro, docente da formación. Por este ciclo de conferencias con empresas pasaron xa a multinacional CLECE, Covirán, Grupo TRAGSA, Nosa Arousa, CONGALSA e Nexo Infinity.