Igrexa e empresariado católico defenden en Santiago unha “economía ao servizo das persoas”

Máis de 180 empresarios acoden ao encontro convocado polo Arcebispado de Santiago. Monseñor Barrio reivindica unha economía máis inclusiva, sostible e resilente.
Formulado con distintas palabras, pero a mensaxe da xente no Encontro de Empresarios Católicos celebrado en Santiago foi a apelación a que a prioridade da economía sexan as persoas. O presidente da Conferencia Episcopal Española, Monseñor Omella, foi o primeiro en abrir camiño, comparando o “traballo e esforzo dos empresarios católicos co dun pastor da Igrexa: trátase de guiar un proxecto polo ben común”, indicou.

El mesmo poñía sobre a mesa os datos demoledores que lanza a desigual repartición da riqueza: en España pasamos en apenas quince anos dunha taxa de exclusión no 16% a máis do 23%, por iso subliñou que os empresarios “son máis necesarios que nunca porque son capaces de xerar postos de traballo con salarios dignos, e se o fan con sensibilidade cristiá poden dar a volta á tendencia dun sistema económico que aparta aos máis necesitados e non lles permite vivir con dignidade”.

O Arcebispo de Santiago Monseñor Julián Barrio no Congreso de empresarios católicos