Dous homes resultaron feridos leves este xoves pasado o mediodía, tras chocar cos seus vehículos cando circulaban pola rúa da Xunqueira de Aguiño. Segundo emerxencias, un dos implicados no choque, vixiante da confraría da parroquia, presentaba unha brecha na fronte; mentres que o outro, un mozo duns 25 anos, queixábase de dor no peito e o pescozo.
Ambos foron trasladados ao hospital de Barbanza por unha ambulancia do 061. No operativo tamén participaron bombeiros de Ribeira e GAEM, así como a Policía Local. A pesar do alarmante da colisión, xa que ambos os vehículos acabaron esnaquizados os feridos non revestían de excesiva gravidade.
