A expedición ribeirense que o pasado 6 de febreiro iniciou no faro de Corrubedo o Camiño de
Santiago do Barbanza ‘A Orixe’ acaban de completar o percorrido coa súa chegada esta mañá á praza de Completela ca capital galega.
Foron unha vintena os andaríns que culminaron o traxecto ata a cidade compostelá: entre eles, os concelleiros Juana Brión e Víctor Reiriz. Ao finalizar exhibiron unha pancarta elaborada para a ocasión
coa grafía distintiva tres letreiros turísticos dispostos nas rotondas de Xarás e da avenida da Coruña e no arranque do paseo do Touro.
Os camiñantes realizaron as etapas aproveitando os domingos de varios fins de semana ao longo destes dous meses e medio. Despois da primeira etapa efectuada o citado 6 de febreiro (Corrubedo-Capela
da Guía), fixeron a segunda o 20 de febreiro (aya a Igrexa de Santa María na Pobra), a terceira o 6 de marzo (ata a Igrexa de San Vicenzo de Cespón en Boiro), a cuarta o 20 de marzo (ata o Quintáns
en Rianxo) e a quinta o 27 de marzo (ata Padrón). A sexta e última dividírona en dous tramos o pasado 3 de abril e no día de hoxe.
Nalgunhas das andainas os expedicionarios estiveron acompañados de representantes da Asociación de Amigos de Camiño de Barbanza A Orixe (entre eles, o seu presidente Manuel Mariño). Así mesmo,
tamén estiveron a exhibir bandeiras coas cores de Ucraína en apoio aos habitantes deste país ante a invasión rusa.