APD e Amicos organizan un encontro centrado na xestión da diversidade na empresa

27 Abril 2022

A Asociación para o Progreso da Dirección (APD) e a asociación do Barbanza Amicos organizan este xoves 28 de abril o encontro Xestión da diversidade: unha oportunidade de cambio para as empresas. Será no Hotel A Quinta da Auga, en Santiago de Compostela.

A apertura virá da man de Ana Sánchez, directora da zona noroeste de APD e Xoán España, director xeral da Asociación Amicos.

Ao longo da mañá desenvolveranse diferentes intervencións desde o punto de vista da vantaxe competitiva que supón contar cun plan de diversidade e inclusión na empresa con Ana Fernández, socia responsábel de diversidade en KPMG España. Deseguido celebrarase un diálogo sobre a diversidade na axenda do CEO (o director executivo dunha empresa) con Rubén Martínez, director xeral para España e Portugal de Howden Artai e Tatiana Suárez, directora de persoas e sustentabilidade en Grupo Aluman.

O encontro concluirá cunha mesa de debate dedicada a coñecer diferentes casos de éxito de empresas galegas. Moderada por Ana Sánchez, directora da zona noroeste de APD, participarán Paloma Merino, directora de organización e persoas na empresa tecnolóxica Emetel; Laura Vergara, responsábel da Oficina de Desenvolvemento e Benestar no Grupo Castrosúa; Margarita Hermo, directora de Relacións Institucionais no grupo boirense JEALSA e Paul Tran, director de persoas e tecnoloxía en Hijos de Rivera.

Esta sesión desenvólvese dentro do 20º Aniversario da Zona Noroeste de APD. Vinte anos nos que a asociación leva traballando no territorio para o desenvolvemento e a mellora da calidade directiva de Galicia.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...