A Pobra impulsa un curso de operacións básicas en cafetaría e bar

18 Abril 2022

O Concello da Pobra do Caramiñal presentou este luns 18 de abril os detalles do curso de operacións básicas en cafetería e bar que se pon a disposición da veciñanza, co obxectivo de mellorar a súa empregabilidade. Segundo fixeron saber a edil de Desenvolvemento Local Amparo Cerecedo (BNG) e a orientadora laboral do Concello, Blanca Álvarez, o curso é froito de conversas mantidas co sector da restauración, coa finalidade de avaliar as súas necesidades principais. Cerecedo e Álvarez engadiron que con este curso búscase “crear un novo mecanismo de cualificación laboral que redunde nunha mellora da formación e da empregabilidade”.

Consta de 39 horas lectivas e as clases impartiranse do día 9 ao 26 de maio, de luns a xoves, en horario de 18.00 a 21.00 horas, nun establecemento hostaleiro da localidade. A materia divídese en dúas partes: unha específica de camareiro/a e outra de manipulación de alimentos.

Ademais, existe un compromiso de contratación, polo cal, das 12 persoas participantes, 4 comezarán a traballar unha vez finalizada a formación.

As persoas interesadas dispoñen dende o día 19 ata 25 de abril para se inscribiren a través do rexistro do Concello, tanto físico coma telemático, onde está á disposición o documento de solicitude. Tamén será preciso achega-la copia do DNI. As prazas cubriranse pola orde de entrada.

Para máis información habilítase o teléfono de contacto 981377610.

Outros artigos

Todo preparado na Pobra para 16ª edición da Volta a Ons

A Pobra do Caramiñal, a través do Club Náutico Arousa Norte, comezou a conta atrás para a 16ª edición da Volta a Ons. A clásica regata que organiza o Club Arousa Norte, puntuábel para a Copa Xunta de Galicia, conta co patrocinio do Clínica Dr. Gonzalo López e de...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...