A Deputación da Coruña adxudicou 6 prazas ao Concello de Rianxo para participar nos seus Campamentos Deportivos de Verán 2022, dirixidos a rapazada de entre 9 e 14 anos (nadas/os entre o día 1 de xaneiro de 2008 e 31 de decembro de 2013), e que estea empadroada nun concello da provincia da Coruña. A quenda de Rianxo (a quinta) será entre o 24 e 29 de xullo. As inscricións poden facerse até o 20 de maio. No caso de Rianxo haberá que formalizalas na Oficina do Servizo de Deportes, por teléfono (981 866 381 – 661 247 136) ou través da conta deportes@concelloderianxo.gal.
O centro de operacións será o Centro Rosalía Mera da Coruña.
Terá preferencia o rapaz que non participase no campamento deportivo da Deputación en edicións anteriores. Realizarase o sorteo, no caso de ser preciso, nos dous días seguintes á finalización do prazo de inscrición.
O programa inclúe actividades náuticas, deportes ao aire libre, xornada de praia, actividades no Centro Rosalía Mera (A Coruña), visitas culturais, deportivas e etnográficas a diferentes emprazamos de interese da Coruña.
