O Concello de Outes informou de que “a falta dalgúns detalles” xa están rematadas as actuacións de mellora e mantemento de diversos camiños de monte repartidos por todo o concello.
En total, foron 20 as actuacións desenvolvidas para mellorar e pór a punto a rede de camiños, traballos nos que se investiron, con fondos propios municipais, arredor de 300.000 euros.
Nas imaxes coas que acompañamos esta información pódense apreciar as actuacións levadas a cabo na contorna do Formigueiro e nas parroquias de Cando, Tarás e Entíns.
