O Concello de Outes presentou a súa axenda de actividades para celebrar o Día Internacional da Muller, o vindeiro 8 de marzo. Será un conxunto de accións a desenvolver durante todo o mes e coa Casa da Cultura local como centro principal de operacións, entre outras localizacións.
Incluirán un xogo familiar de busca do tesouro (na Casa da Cultura o día 5, en horario de mañá), un espectáculo de Títeres Mircromina (Cousas da Casa, no salón de actos da Casa da Cultura, o sábado 12 ás 19.00 horas), unha función de Trémola Teatro (Valente e Rebelde, na Casa da Cultura o 14 de marzo), un espectáculo de Tarabela Creativa (Tabú, na Casa da Cultura o 19 de marzo) e máis dous obradoiros: un de defensa persoal para mulleres e outro sobre como evitar relacións tóxicas.
