O CIM de Outes achega actividades de conciliación vacacional a través do Campamento Tempo de Pascua

O Concello de Outes, a través do Centro de Información ás Mulleres (CIM), quere convidar a todas as nenas e nenos de idades comprendidas entre os 3 anos (escolarizados) e os 12 a participar no Campamento Tempo de Pascua, abeirado ao programa Outes Concilia. Desenvolverase os días 11, 12, 13 e 18 de abril, en horario de 8:00 a 16:00 horas, no edificio autónomo do CEIP Plurilingüe de Outes. O obxectivo é achegar alternativas de lecer e actividade creativa á rapazada e ás familias en xeral durante o período de vacacións. O prazo de inscrición é do 30 de marzo ao 5 de abril. As prazas son limitadas.

O Concello engadiu que “as familias poderán facer uso do servizo en función das súas necesidades, permitindo a entrada e saída flexíbeis”. Iso si, para o bo desenvolvemento das actividades programadas, recoméndase a aquelas nais e pais que non vaian a facer uso do horario completo do campamento, incorporar ás súas crianzas ao mesmo sobre ás 10:00 h fixar a saída a partir da 13:30 horas.

As nenas e nenos terán opción de almorzar e xantar no servizo, sendo as familias as encargadas de aportar os alimentos en termos e neveiras. O prezo público establecido na ordenanza reguladora corresponde e ascende a 15 euros o total do campamento.