Este venres 1 de abril, véspera do Día Internacional das persoas con Autismo, a Asociación Ambar das persoas con diversidade funcional celebra unha xornada para presentar o seu 40 aniversario. A presentación comezará as 12 da mañá e desenvolverase no interior do centro de recursos co que conta a entidade en Frións, Ribeira.
A este acto, encabezado por Milagros Rey, presidenta de Ambar; asistirán representantes dos concellos da comarca.
Ambar baixo a consigna de impulsar vidas independentes na comunidade, presentará a súa proposta de valor sobre a diversidade funcional, resultado do plan estratéxico 2021-2023. E expoñerá as distintas actividades que se realizarán para conmemorar os seus 40 anos de traxectoria. A primeira delas terá lugar o vindeiro sábado 9 de abril en horario de mañá-mediodía na cidade de Ribeira.
Cronograma do evento
12:00h Recepción
12:10h Rolda de prensa.
13:00h Fin do evento
