Airiños agasállanos cun menú literario e escénico de Veladas de Primavera

En Asados, o histórico grupo de teatro Airiños organiza esta tempada as Veladas de Primavera, en colaboración co Concello de Rianxo. Será un programa de actividades culturais, creativas e, sobre todo, escénicas, todas elas co nexo común de escorrentar a adversidade e despedir o inverno (os invernos que nos asolan nas súas múltiples manifestacións) con literatura e o poder da palabra. As actividades, todas elas en abril, levaranse a cabo polas tardes nos Grupos Vellos de Asados.

– Sábado 2 de abril, ás 20.00 horas, presentación do libro Irmandiñas de Aurora Marco acompañados da música de Barahunda

– Domingo 3 de abril, ás 19.00 horas, representación de Cataturxia polo Grupo de Teatro Airiños.

– Venres 8 de abril, ás 21.00 horas, Botámoslle uns contos polo Grupo de Teatro Airiños.

– Sábado 9 de abril, ás 19.00 horas, Contos infantís polo Grupo de Teatro Airiños.

– Domingo 10 de abril, ás 19.00 horas, Monólogo Complexo de Edipo da man de Quico Cadaval. Entrada 5 €.