A compañía Matrioshka Teatro levará ao teatro cine Elma a función Comando comadres. Organizada pola Concellaría da Normalización Lingüística da Pobra do Caramiñal, da cal é titular o edil Xabier Santos (BNG), e financiada pola Rede de Dinamización Lingüística da Xunta (RDL), celebrarase o 12 de marzo, ás 20.00 horas.
Trátase dun espectáculo en clave de humor, no que un grupo de artivistas organizadas en diferentes comandos poñen en evidencia as múltiples manifestacións da violencia patriarcal e cuestionan a persistencia do seus valores no pensamento hexemónico actual.
As reservas de balde pódense formalizar a través do teléfono de contacto 685571058.
Esta actividade atópase enmarcada na programación posta en marcha na localidade con motivo do Día Internacional da Muller, que se conmemora no 8 de marzo.
